。我。要。著。衫。衫。!。

the8:

2008 年 12 月 30 日凌晨 1:52 分係屋企都著住羽絨背心既我忍唔住逼無毛既童童著返件衫! 意料之外佢無反抗/自己除返件衫!我估真係太凍喇! 一著完之後..爆毛法法好似吊靴鬼咁跟住我出出入入五分鐘...用楚楚可憐既眼神話俾我知"點解我無衫著?" 唔係化阿仔...你係爆毛豬喎駛乜著衫! 最後我屈服0左!拎0左件粉藍色豬仔衫俾佢著!跟住佢無再吊住我喇!

法法:

2008 年 12 月 30 日凌晨 1:52 分....mommy 幫童童著衫...而童童旱有地好合作咁著上件衫...平時...佢係露體狂...而且仲係一個變態既露體狂...自己唔鍾意著衫不特止...仲唔逼我唔準 著衫要我一齊露體咖!!!! 如果我有衫著...佢會用口咬甩我件衫....要我 nude look 咁面對佢....嗚...我個完美中帶完渾既 body 就赤裸裸咁暴露係佢眼前...好變態呀!!!!!

我一心以為 mommy 幫佢著完衫會幫我著喇...但係呢... mommy 居然準備熄燈訓覺喎!!!! 。有。冇。攪。錯。?。 點解我無衫著咖? 唔公平呀! 又話呢個屋企係一個公平公正公開既家 (你老母我幾時有咁講過呀阿仔?)....呃我細路仔唔食辣椒醬呀?! 我立即發揮係藝訓班所學既技巧...谷行眼水...水汪汪咁望住 mommy....吊住佢尾....死唔斷氣咁跟出跟入....不愧我係狗界朝偉 ( ! ) 我幽幽不歡既既眼神欲言又止既小咀 ( ! )...果然打動到 mommy....佢摸嗄我狗頭仔問 "唔係化你係爆毛豬喎都要著衫?" 我 insist 的望住佢 (幾勁...我陪 mommy 溫書溫得多...英文生字都識多幾隻呀!)...我眼神中既堅持同信念同精神係無改變過既!

。係。!。我。要。著。衫。衫。!

無錯! "我要著衫衫!" 呢個就係我要表逹同向中審庭訴求既最終目的!

最後....老女人當然屈服...仲拎0左件 baby blue 背脊有小豬 details 既衫俾我著添!
邊個話勝利係屬於女人咖? 勝利其實係屬於小狗咖!

Birthday Menu

煮0左甘荀茸湯....蔬菜盒 + 煙肉卷....煙燻雞胸...牛奶布甸~ 由三點幾開始買料...準備...到完成...已經成九點喇~ 雖然攰過返工...但見到 2 位大帝食得好開心...我都好開心~ 不過每年既咒語依然未解...就係狗奴無飯食!!! 老公 KO 0左噚晚打包既糯米飯...我呢? 依然執菜頭菜尾食...但求塞飽個肚就算!...hehe~

八年

愛兒法法豬:

2008 年 12 月 15 日...是你的八歲生日~

我倆急忙的趕著由屯門回來...為的是在 12 點前可以抱著臭豬仔唱首生日歌講句生日快樂送上情深的一吻!

八年前...你來到這個家時己早在寵物店沾上狗瘟...天后某出名的 vet 都說無能為力要把你退回去換另一頭小狗來代替你....頑固執著的我誓死不肯 "放手"...雖然這是我第一次養狗...但大家相處的兩星期中...已經建立了感情...生命怎能輕易放棄去交換呢? 我不肯堅決拒絕了 vet 的建意...抱著你回家...上網去問人可有 "有良心的 vet 介紹?" 及 "患上狗瘟的生存機會及照料方法" 等資料~

在狗版中遇上很多熱心的版友...把 Dr. Tiger 介紹了給我們...約好時間把你抱到 Dr. Tiger 那裡... Tiger 很好...沒有叫我們放棄你...但也細心的解釋給我們知道...患上狗瘟的小狗生存機會是很小的...我們問 Tiger ...可有藥去幫助....她老老實實的回答...小狗才兩三個月...受不了強勁的抗生素...她極其量是開一些維他命給你輔助一下而矣~

一切...要靠小狗自己產生抗體去打低狗瘟這個病...所以...大前題是要小狗肯進食...身體才可以產生抗體去對抗病魔! vet 強調...患上狗瘟的小狗胃口是零~ 但我們如果想救回你的話...一定要施盡渾身解數全力去 "乙水" 你保持心情愉快...這樣你才有胃口進食身體才會好起來!!

就是這樣...我們抱著你及幾包維他命丸回家...天天想盡辦法去 "乙水" 你開心....例如把自己當成小狗...跟你一起跑快四...由房追出廳....再由廳追回入房...來來回回幾次趁你口渴肚餓便餵你飲幾啖水食幾粒狗 糧...一餐飯...閒閒0地食兩三個鐘跟幾十轉~ @_@

就這樣跑了幾百轉...一星期後覆診...情況穩定...至少你的噴嚏鼻水小了...腹瀉也減少了~

就這樣跑了千多轉...兩星期後再覆診...情況開始樂觀了....keep it up!

就這樣跑了不知幾多轉馬拉松...一個多月後... Tiger 說你打敗了惡魔怪獸了!

就這樣 (好在現在不用陪跑了)...你陪了 Daddy Mommy 八年了.....你為這個家添上無限的歡笑....你的報寸樣音春樣扮春虫樣撒嬌樣百厭樣拗計樣餵食樣...媽媽通通都愛看...媽媽就是愛看你的健康快樂無憂無慮通屋跑來跑去的過日子~

乖仔...將小狗的年齡轉化為人類的年齡...你早已大過媽媽很多很多了...在我認識你這類狗種中...實在沒有多少個活過八年...今天能為你慶祝生日...實在是媽媽的福氣~

在倒數及未知的日子中...媽媽祗想盡量的照顧你寵愛你...讓清風略過你的豬腩肉...快快樂樂的跑吧小豬法!


愛你的媽媽及爸爸

NAT GEO WILD (Copulation)

今天晚上的 NAT GEO WILD 講水陸兩棲的動物的繁殖編.....我錯過了很多...但是呢...卻碰上海龜繁殖....嗯...原來...雌雄海龜要繁殖下一代....是異常的多障礙!

海龜們會在水中交配....但在交配的過程中...會遇上很多求偶不遂恩愛成恨的情敵...起初...有一隻情敵海龜游過來咬交配中的海龜...他咬得米 海龜的後肢....出盡力的咬呀咬...大等寫鏡頭下...得米海龜腳上的那層皮被嚙開得老遠...但歡喻中的他...為了完成天職..忍著劇痛...深 怕腳一鬆雌海龜便會離開自己落入情敵手中~

情敵海龜咬了半天....見奸計不得程...便改去咬手....可憐的得米海龜又要忍著痛不敢放手...繼續交配....當下我以為情敵海龜會罷手 喇....誰知....情敵海龜歇而不捨的咬來咬去....禍不單行的得米海龜那種幸福的味道可能太招遙喇....竟然引來情敵海龜 B...情敵海龜 C....情敵海龜 D...............還未完喎....仲有情敵海龜 E ....總共 5 個情敵圍0趙得米海龜呀!!!!!

得米海龜以一敵五....好淒涼....明明歡愉緊 HAPPY 緊咖嘛...俾人睇實整個過程都算喇...仲要俾人襲擊....喂喂喂...情敵海龜們呀...盜亦有道呀...人家芬女淨係鍾意得米一個....你0地呢班吃不到的狂徒咪因愛成恨去襲擊人先得咖!

依牙鬆桿的我...看著得米海龜一時被 A 咬左手...一時被 B 咬右腳...一時又被 C 咬右手....一時又被 D 咬左腳....最後還要被天下間至陰毒的 E 咬後頸上那塊起晒褶的。董。建。華。皮。皮。呀!!!!!! 哇哇哇...唔係講笑...咬手咬腳還可以....咬後頸果塊。董。建。華。皮。皮。....可以想像到一定好痛好痛咖!!!!!!

ABCDE 除了咬得米海龜之外...也企圖阻止雌雄海龜游上水面抖氣...因為海龜每隔一段時間便需要上海面呼吸透氣....如果不能及時游上水面的話...會隨時 喪命!!! 所以呢....雌雄海龜一路斜斜的上游時...整個晝面就好似打機時 D 怪物四方八面咁衝埋0黎攻激你令你戰鬥力減低....不敵的話...最後緊係便瓜老襯喇!

雌雄海龜游呀游 (正確來說祗是雌海龜在游...因為雄海龜的手手腳腳都抓著雌海龜的売啊!)...左閃右避....東奔西跑的一寸一寸向上游...當時我好驚又好肉緊 呀...游唔切的話會喪命喎....交配中而馬上風喪命就話聽過嗄呢....但是....交配中缺氧而喪命...我未聽過未見過 ( ! ) 呀.....加油呀加油呀為愛情萬歲的雌雄海龜!!!!!!!!

最後...雌雄海龜的努力沒有白費...鴛鴦愛侶終於游上水海....大特寫下...我見到雌海龜扯晒蝦咁在抖大氣....我猜雄海龜因為不用游沒有體力勞動所以沒有扯晒咁喇!

這是我暫時見過的動物界中對交配付出最多最正視這個行為的動物呀!!!!

海龜們...請接受中女的敬意!

臭屁股

法法:

汪~

上星期個屁股仔好痕好痕....我對短手短腳又 R 唔到屁股喎...於是我成日都追住自己個屁股仔去咬~

(((((((((( 吼 )))))))))))

。我。要。咬。爛。自。己。個。屁。股。仔。!。

有一日...媽咪如何咁抱住我上網喎...但係呢? 佢越0黎越覺得唔對路....點解咁臭既呢?

佢抱開我一睇....原來我肛門線分泌滿到瀉.....因為佢抱住我時我屁股仔坐正係佢大脾上面...肛門線受壓於是就漏0左 D 落媽咪件睡袍到喇!

媽咪即刻叫 Daddy 準備開陣....開乜陣呢? 咪就係唧肛門線陣囉~

我記得第一次佢0地同我0地唧肛門線....好大笨象咖....係網上見到好多人講佢0地同狗仔唧肛門線時....噴到一面都係....而肛門線其實係每 種動物都會有自己獨特既肛門線味道 ( ! )...我0地就係咁樣去釋別係咪有其他動物到此一遊等等~ 呢 D 分泌物係好腥好臭...陣氣味真係好 "獨特" 咖!!!!!.....所以呢...第一次準備唧肛門線時....媽咪又口罩又手套又消毒濕紙巾等侍候....而 Daddy 呢....佢堅持以 "我唔識唧呀!" 為理由 (其實係籍口囉! 媽咪夠由唔識學到識喇...佢一定係嫌棄我屁股臭呀!)....所以呢...一路以來都由媽咪操刀為我0地服務!!!!

工多藝熟既媽咪...已經好熟手....無需手套口罩.....徒手係我個小菊花四點及八點既位置....用陰力向上一推....一 pat 杰杰0地啡啡0地既肛門線分泌物就傾瀉而出......祗要係完成後用消毒濕紙巾同我抹一抹屁股仔就禮成喇!

嘩~~~~ 一唧完肛門線....我屁屁唔再痕....個人又即刻變得精神爽利....好疏乾好舒服呀!

靠 Daddy 的話....我有九個屁股仔都唔得掂喇! 吼~!!!

世上祗有媽媽好~~ 汪汪汪汪汪~ (釋: 媽媽 I love you!)

瀨尿童童

法法:

汪汪~

不得了喇! 童童又有新攪作...佢激到 Daddy 同 Mommy 生蝦咁跳呀!

噚晚 Daddy 開0左房門...個衰妹趁無人為意跳上床瀨尿尿呀!

仲要連冷氣被都瀨埋... Daddy 同 Mommy 漏夜要洗床單床墊 & 冷氣被呀~

Mommy 話呢個臭童童越0黎越目中無人不特止...仲挑戰成家既皮質醇...佢好嬲...話唔俾飯佢食~ 但係偏心既 Daddy 呢...話唔俾飯佢食的話連我都無得食呀!!!!

無天理丫!!!! Mommy 同 Daddy 理論...邊個做錯就邊個受罰...天經地義丫~ 有乜理由我無做錯事都要受埋一份喎!

何況呀...我係 Daddy 發現童童瀨尿時...已經立即衝去自己個私家廁所以尿尿俾 Daddy 睇以便明哲保身.... Daddy 你明明見到 & 知道唔關法豬事...你都要罰埋我既? 你幾時做0左昏君呀!!!

最後... 偏心既 Daddy 一持己見...唔罰做錯事既童童...照樣開飯俾佢食~ 而我呢? 當然都有份食喇...但係 Daddy 實在偏心到出晒面....我越0黎越唔鍾意佢喇! 汪!

噚晚 Mommy 心情已經唔多開心....臭童童仲激多媽咪兩錢重...吼...咬死你呀臭童!

回味無窮滑嘟嘟

法法:

汪汪~

今晚....愛生事家庭又發生一單驚人既事件...事源媽咪煮既百吃不厭豉油雞翼又出場~

噚晚佢整0左六隻....自己食0左三隻之後就俾 Daddy 等佢食埋淨下果三隻...點知 Daddy 話抖一陣先食....於是就放0左係餐枱上面喇!

Daddy 人有三急去解決要事時....膽大包天既童童怪獸趁機跳上餐凳....再爬上餐枱....一啖一隻咁連骨吞0左三隻雞翼~ 由於佢既行動既敏捷又迅速也乾脆夾利落....係佢鯨吞三隻雞翼時....背住佢坐既老女人一 D 都察覺唔到有事發生....連我呢個機靈活潑可愛小神犬 ( ! ) 都唔知呢份事發生...直至童童怪獸鯨吞完雞翼後...去舐埋碟上面果幾滴豉油汁而發出 "嗒嗒" 聲...老女人先驚覺出事....馬上連跑帶喝的去阻止童童怪獸再舐 D 汁~

Daddy 同老女人立即封鎖現場去重組案情時....摸擬到案發路線及經過~ 而且有奶油相信....童童怪獸係無0趙過隻雞翼原隻吞落肚...一來因為老女人完全無聽過食0野既聲....二來...長長0地既雞中翼...極度方便 由口空 "跣" 入食道......加上滑嘟嘟既雞皮....Daddy 同老女人相信如果童童怪獸識講0野的話...一定會學 "刀刀" 講句 "嘩阿女....一放入口即跣落去....滑到丫~!!!"

就係咁....乖既小狗如我無得食雞翼....但果 D 曳既小狗呢....就大朶快頤大啖大啖吞雞翼呀! 事後我猛叫童童怪獸劈大個口俾我聞嗄豉油汁陣味.....噢 O o o.....我0地狗仔 D 食物全部都顏色漂亮....但估唔到大人平時食果 D 豉油黑忟忟咁....原來咁香....咸中帶鮮...鮮中帶甜....甜中帶滑....滑中又無鹽喎! 狗仔既零食無一能及呀!

童童怪獸你就好喇...我好羡慕妳有豉油雞翼食.....如果可以食到豉油雞翼...我情願做隻曳小狗喇!

超! 橫掂我曳唔曳老女人都咁鍚我咖喇!

飛鷹行動 (三)

法法:

汪~ 好開心...個老女人又一次離家出走去 XX 2 日咁多....由於佢想同婆婆一齊出發...於是早一晚入0左婆婆屋企訓....變相佢頭尾係三日兩夜唔係屋企啊哈!!!

三日兩夜無王管的日子...Daddy 同我同童童都異常期待!!!

因為三條狗 (Daddy 屬狗咖嘛!) 終於可以好麻甩咁係廳到剝花生飲啤酒唔抹手就上床訓~~!!! 好疏乾咖!!!!

如果老女人係到...又會吱吱喳喳咁董太上身咁哇哇叫 "洗手洗手洗手~~!!"

好煩咖嘛...男人同老狗點會郁 D 嫌污糟嗄嗄都去洗手丫? 好囉...可以唔洗手三日....YOYOYOYO!

不過呢...老女人你去三日好喇...三日後好快 D 返....我知你星期一放假準備整芝士雞肉丸我食咖~

至多我星期日晚洗定手等你返0黎驗查我對臭手丫!

好大對比

家中的寶貝...每每眼眉 "稍" 到我去拿洗耳仔的藥水或 Q-Tip...便會雞走狗走的四出逃去~

剛剛...被童童發現拿手中拿著 Q-Tip (已經把它藏在手心...但那小小露出的部份被童童確定時辰到...洗!!)....立即衝落地 "趴" 在地上把肚皮緊貼地磚....你有張良計...我也有過牆梯~

我肉緊的急速叫喚 "童童童童蟲蟲蟲蟲..."....臭囡豬一向一聽到我們呼喚他的名字會連走帶跑的衝過來逃上你身上舐個不停~ 今次呢...明顯見到她想起身...但怕中計....又想起身...又怕中計...於是身體在地上 "典" 呀 "典"....好像一條爬行的毛蟲般....見到她的模樣...我笑了...放下 Q-Tip 把她抱起....摸嗄狗頭仔安撫一會才開始幫她清潔耳朶~

之後到法法了...其實囝囝對洗耳仔不是太抗拒...但見到童童驚...佢又走去驚埋一份 (好似吸塵機咁...原本佢唔驚咖...我0地可以將條管放在他身上吸走多餘的毛髮...而整個過程他是攤係地下唔郁...任你將佢反來反去的吸前吸後吸 左吸右~ 但後來佢見到妹妹驚...又走去驚埋一份....好學唔學!!! 同輩的影響果真大呀嗄!)...我空手走去抱佢...佢 "0胡" 我呀!!!!!

大膽!!!! 係呢個屋企邊個夠膽 "0胡" 德高望重既老虎媽媽????

我拍了拍他的狗頭責罵了兩句....他還不是乖乖的被我抱起...放在大腿上慢慢的清潔耳仔~ 其實佢跟本就唔驚亦唔討厭呢個動作...但偏偏人驚佢又 "扮" 驚!!!!! 學人跟瘋...哼哼!!!

但是呢...另一相反奇境出現在我手拿擦毛的大把梳.....童童每次見到....雙眼發光立即跳下來一股惱兒的自動自覺跑進浴室...而法法呢....又會企係浴室傍邊的走廊等成為下一位寵幸喎!

其實...法法對梳毛不是太喜愛呀 (他愛我們用手 R 肚肚呀脾隙果 D 位)...但又有樣學樣咁學人愛上梳毛....臭豬法法...下次幫你分九一界好唔好?

NAT GEO WILD (Pregnancy)

今天的 NGW....講動物的懷孕過程!!!!!

我回家晚了....錯過了小狗的孕育期....祗見到海豚及大象!

海豚....高佔我最愛的動物的第二位! (第一位還用問嗎?).....原來一個海豚媽媽由懷孕到生育要花上整整一年的時間.... NGW 用了不知葚麼的方法把海豚 BB 在母體內的成長過程記錄下來~

嘩嘩嘩....海豚 BB 由小小一個菠蘿包時...已經有海豚的初型.....長長的咀巴...小小的背鰭喇....側鰭喇...已經似模似樣的凸了出來....而眼睛的位置呢...亦微微的凸起....海豚 BB 刻意把身體彎曲及將鰭摺起以減輕海豚媽媽的辛苦~

NGW 把不同懷孕期的海豚 BB 拍出來....BB 越大...樣子越趣緻....請想像汪阿姐色的皮膚...大大的頭及隆額...短小又不合比例身體....cute 到不得了!!!!!!

後來 NGW 把一個快將分娩腹大便便的的海豚媽媽來一個全身照....噢.......懷孕的母親是最美麗的這句果真沒錯~~~!! 海豚的出生跟人相反...是先由尾部伸出產道... BB 全完識 "訂" 及合作把尾鰭微微向下垂及依然摺起側鰭以免弄傷媽媽~ (好乖好生性的寶寶啊!!!!) 慢慢地...海豚 BB 全個的出來了....海豚媽媽也 "her" 一聲的流出大量的血喇! 看到這裡...我眼都紅了...上帝將生兒育女的天職賜給女性...這個經歷...祗有懷孕的媽媽才能感受得到.....當媽媽果然是好偉大啊!

海豚 BB 是小數初出生便開眼的動物...一出生第一件事要做的不是飲奶...是游向海面吸第一啖空氣! 如果 BB 未能及時去吸第一啖空氣會有機會不能長大....海豚媽媽跟 BB 中間有一種感應...BB 出生後會因為媽媽的指引游去海面透氣~ 看到海豚 BB 貼著媽媽的向上游呀游...最終游上水面抖了豚生第一啖的氣!!! BB 安全了!!!

而初生的海豚 BB 每隔大約廿分鐘便要飲一次奶...每次啜幾啖....要隔一段時間才能啜多 D 奶啊!!!! (辛苦了媽媽啊!) 海豚的母乳含有很高的蛋白質...大約 33%...人類的祗有 4%...而脂肪含量亦很高啊...是 7%...人類的才有 1% 咋! (人奶跟海豚奶比...立見高張!)

由於海豚的皮膚每兩小時便全部更新一次...怪不得海豚永遠都擁有令我羨慕到暈的幼滑肌喇!!!!

而大象呢...整個懷孕期是 22 個月....咪講笑差唔多 2 年呀...是最長懷孕期的哺乳動物之冠!!!!

小象起初也很可愛...但祗限於未長頭毛象鼻未長過手手腳腳前喎~ 那時候的小像...鼻子翹翹...手腳奇短但極其粗壯喎....完全是卡通片中的 cute 爆小象囉!

縱使初生的小象不及海豚可愛...不過呢...可取之處是小象可以在出身後三十分鐘搖搖擺擺腳仔軟軟的站起來....雖然呢偶然會腳仔軟 "pang" 一聲倒下...但不久就可以行得似模似像喇!

人類的孕育片段看得多...動物的還是頭一次見!

除了大開眼界外...更令我對各界的母親獻上無限的尊崇及敬意!!!!!!

PS 後制

BB 的故事

近距離看到黑狗童童眉鬢間開始變白....想起了很多往日的回憶....也順帶想起了別人的故事~

因為法法童童的關係...認識了一班狗友 (no offense 全名為 "飼養小狗的朋友" )....大家偶然在街上碰到面...也會談一談近況 (其實...是談小狗的近況囉!)....大家的小狗由幾個月大...到現在未期壯年快成為老狗...狗友一見面...都會以暗號詢問對方的小狗健在與 否~

每次聽到有小狗走了......也不知先說安慰說話還是強忍掛在眼眶的眼淚~

狗友當中....以漂亮的 BB 的故事最為令我留下深刻印像~

BB 的主人 C 有天在閒談中告訴我......BB 是棄狗在街上執返來的~

兩年前......C 在將軍澳的單車徑側見到 BB 在烈日當空下暴曬....起初以為 BB 是走失了 (有狗帶青潔乾淨四四正正的...擺明是家狗!)...便陪他一起等喇...等呀等...人狗等了 2 小時也不見有人搵狗喎...於是...C 便把 BB 帶回家中 (當時狗隻要注射晶片的法例還沒執行....天大地大.....跟本不知在那裡為 BB 搵返他的主人!) ......就這樣....C 便將 BB 示如己出.....無微不至的照顧~

C 真的很鍚 BB 喎.....BB 亦對 C 非常的忠心....永遠緊隨腳邊~

有天和 BB 散步............忽然遇上一女子指著 BB 尖叫.....繼而一把的將 BB 抱入懷內~

原來...這女子是 BB 的主人....疼鍚 BB 的程度不下於 C ....亦因為這樣....他的男友看不過眼....有計劃的趁女友外遊不在香港把 BB 由沙田載到將軍澳.......遺棄了 BB .....等女友回來...便說 BB 走失了~ 女子找了 BB 很久....傷心失望的他當然沒找到 BB ....當時亦想不到男友這麼有機心把狗偷偷載到 "無雷公" 咁遠喇! (後來分手了....男的說出是自己固意遺棄了 BB 的事情去傷害女友~ 卑鄙又邪惡的壞蛋!!!!!)

新舊主人都很想把 BB 留在身邊...而且每人和 BB 相處的時間相約 (每人約兩年) ....於是倆人想出由 BB 自己決定!

[b] 新主人 C BB 舊主人[/b]

倆人各行一方...BB在中間......大家決定不叫喚 BB ...祗是站在那裡等 BB 決定......據 C 所講 (講時還要眼濕濕...) BB 的確有左望望右望望....神情像不知如何取捨~

最後....BB 毅然跑去 C ....舊主人亦尊重 BB 的決定....著 C 好好照顧 BB 哭著的離去~

我聽這個真人 (狗?) 真事的故事時.......眼淚也忍不住的流出來......一來為賤男的惡行而感到憤怒....二來新舊主人對 BB 的尊重及文明的讓 BB 自己決定而感動....三來看到 BB 那又大又漂亮的眼睛時....想像到他人 (狗?) 生交叉點的要決定自己的下半生時....再也忍不住哭了~

上年在街上看到 C 和 BB 散步....高齡的 BB 依然是 baby face....但 C 說已經做好心理準備 BB 快要走了~

往後...我沒有碰過 C 和 BB.....不知 BB 現在身處何方.......但每次在街上看到歌基時....也想起 BB 的故事~

被困的老虎仔~

法法:

汪~

今日嚇死老虎仔喇! 事關今日 Daddy 早出門口.... Mommy 最後先走...佢一貫閂埋睡房門唔俾我同妹妹係睡房攪攪震~

點知...眼屎都未抹淨既大懞 Mommy....無發現閂房門時我仲係房入面~

於是....我由早上八點...一個係困係房直至頭先七點半...差唔多十二個鐘....Daddy Mommy 食完飯返0黎時先發現困0左係房~

Mommy 第一時間呵返我 say sorry....單獨留小狗於房間刑罰不輕咖嘛~

跟住... Mommy 仲發現我係睡房一 D 搗亂既痕跡都無....我無瀨尿仔...無瀨臭臭....無咬佢0地 D 衫呀手袋落0黎玩而且仲無水水飲....我淨係好乖好安靜咁係房間覺豬~

其實老虎仔都好驚咖......以為自己做錯事要罰我...後來 Mommy 好內咎咁同我 say sorry.....抱我去飲水水.....我知道佢實在係大懞所以先發生今次既意外~

而且...亦知道0左我其實好懂事既....我唔會搗亂...(心水清既你0地明白平時搗亂另有其狗喇!)

依家我就訓0左係 Mommy 腳邊....嗲返夠本補返數先~

the8:

我真係好失職呀...點解可以困0左法法係房一日咖? 如果法法因為脫水而有事...我成世都會唔安樂呀~

不幸中既大幸係呢排天氣涼返 D....如果唔係...法法呢種偏鼻狗仔好易會中暑.....頭先我抱法法去飲水時...見到佢不停舐水...好内咎好内咎好内咎好内咎好内咎...眼 淚都流埋出0黎~ 豬仔仲要好生性無攪到房間亂晒 (其實亂都唔緊要...最緊要佢無事!)...真係好乖好好乖...抵我咁鍚呢個仔!

一放佢出房...佢唔係第一時間去尿尿或飲水水...反而係走0黎嗲我要我抱要我摸~ (摸完即去尿尿....忍0左成日喇陰公豬!!!!!)

安頓好一切後...我係廳抱住法法坐係梳化...不停鍚佢 say sorry....傻法就放軟晒身任我抱眼仔望住我...一 D 嬲我既表現都無~

sorry 呀法法... Mommy 錯喇.....原諒我好嘛~

以後我會數足狗頭先出門口咖喇!!!!

我係拗計嗲豬!

星期三晚 Daddy 去0左食政治飯....晚餐就由媽咪負責~

其實都係食果 D 0野....但你知喇....卅十幾度好熱嘛...熱到我無晒胃口....幾晚都唔願食....平時 Daddy 開飯俾我食一見到我眼定定咀偏偏咁望住兜糧個樣....就發脾四鬧鬼我....咁人0地真係無胃口嘛...你0地 D 大人就話有 D 涼拌小食...甜甜酸酸既餸菜0者...我0地呢 D 狗仔無得話雪凍 D 狗糧食咖嘛~

果晚媽咪見到我咁既樣...佢無鬧我呀....反而邊 R 住我肚仔邊乙水我 "乖 B 喇....食喇~" 又幫我斟兜水得我濕濕個口~

果一刻...我真係覺得媽咪好鍚我呀....俾著係 Daddy ....佢鬧完仲會收返埋兜糧唔俾我食呀~

有時我祗不過鬧嗄情緒想 D 大人乙水嗄我摸嗄我個狗頭同狗肚仔0者....但 D 男大人都不解風情 ( ! ) 既....淨係識鬧...都係女大人細心 D ....會顧及我既感受~

汪汪...世上祇有媽媽好呢句真係無呃人咖~

今晚媽咪仲話雪凍 D 狗仔食既啫喱等我0地聽日可以消暑~

有媽的孩子果然像個寶呀~!!!!



老虎仔法法口述由媽咪代筆

黑狗偷食滑狗當災

Daddy & 老女人見呢排成 日食街外0野...見噚晚又煮0左飯....於是決定帶飯喇!

佢0地 pack 好盒飯,...放係老女人張電腦檯到等佢涼0左先放入雪櫃......我好乖豬咁係電腦檯下面用邊豬鼻仔索嗄陣味....邊打嗑睡~

而黑狗童童....佢持住自己有 46 吋長腿......輕輕一跳咁雙手搭住電腦檯........以會考無難度既態度食0左 Daddy 塊豬扒!!!!!

無錯.....係。Daddy。塊。豬。扒。!!!!

一塊...煎到兩邊金黃...內裡 juicy 去埋骨既豬扒!!!!!!!!!!!!!!!!!!

當時....老女人沖緊涼.... Daddy 一直監視住我0地既一舉一動........但係天網灰灰 ( ! ) <-- 關乜事?!.... Daddy 有一分鐘時間被 youtube 入面釣魚既 video 吸引住.....童童見機不可失.....便出擊了!

係沖涼房既老女人....聽到幾嗄 Daddy 既慘叫聲  X  呼喝聲  X  責罵聲......一打開沖涼房....見到 Daddy 偏晒咀咁望住佢....老女人連面唔唔搽住....即時送上安慰~

噚晚就係 Daddy 好嬲底下.....罰唔準食飯!!!!

老女人幫我求情 "淨係罰童童算喇...開飯俾法豬喇好無?"...但 Daddy 話乜乜一視同仁而拒絕0左老女人為我提出既酌情權~

嗚.............就係咁.........噚晚我餓住個肚仔 (個屎妹釘就疏乾喇....有塊豬扒落肚!!!).....眼光光咁望住廚房直至天光~

咕。咕。咕。咕。咕。咕。。。。。。。。。

人0地咕係飲牛奶....我咕係無飯食肚仔餓~

老虎仔唔開氹呀~



老虎仔法法口述由媽咪代筆

哼....好巴閉咩!!!!!

今日狗奴決定唔煮飯....買 pizza 返0黎食喎~

當 Daddy 返屋企時....拎住一個大大個的 pizza....同有香辣雞翼同可樂~ 我幾開心呀! 所以寧捨熱情咁 wowcome Daddy ....希望用我既真摰同熱誠感動佢!!!!!

你咪以為大人開餐唔關我樹.....佢0地論盡豬0黎咖...間唔時會跌 D 食物落地下.....呢個時候我就有機可乖咁以快過劉翔既速度去 "嗒" 0左美食佢!!!! 好堅咖...我果時係唔會放開口...狗奴想撓都撓唔開我個口咖! 仲記得有一次好正....老女人係凍格拎乾瑤柱時跌0左粒落地下...我緊係用狗秒狗既速度 "嗒" 0左粒乾瑤柱喇....嘩...鮮味到不得了~ 我回味0左果種味道好多日添!!!!

但係今次....狗奴都好小心....一 D 食物都無跌落地下....我係下面望到頸都長埋....變0左望 food 石都未等到佢0地有意外發生....期間狗奴佢0地仲要整古我......扮晒跌0左食物落地下..."哎呀...呢到呀...法法唔好過0黎 呀!".....你0地咪當我傻先得咖....我點會放過任何一個機會去尋寶呀....於是...我不停咁俾狗奴玩弄於股掌之中...半餐飯時間係咁走來 走去~

最後...Daddy 見到我既慘況...唔忍心咁俾0左小小 pizza 邊邊我同妹妹食....個老女人幾衰呀...想壞我好事....叫 Daddy 唔好俾我食...話乜0野無益呀油呀咁....但係 Daddy 英明!!!!!! (童童....一齊向住 Daddy 講多一次 "Daddy 英明!!!!!! " 丫!)...佢以一家之主既身份....責怪老女人多疑 "小小...怕乜喎!"...照俾我同妹妹食 pizza 邊~

mmm....好好味....雖然無茄醬無芝士無莎樂美腸無波蘿....但係好煙 un 呀....好好味呀~

其實...我都曾經食過半個 pizza....果時老女人特登整俾我0地食..... D 芝士可以扯到一條條絲咁咖~

老女人....你幾時再整一個 pizza 俾我食呀? 我好回味 Italian food 呀!!!! 係咪我肥0左你係出面另結新歡呀???? 我應承你井肥呀食埋呢個 pizza 之後!!!


老虎仔法法口述由媽咪代筆

一口氣看完這本由台灣買回來的書.....開頭及結尾讓我哭個不停~

故事大慨講述恩佐陪伴主人經過了人生中最大的幾個轉淚點 - 結婚 - 生孩子 - 人生低潮 (配偶離世後遇上不擇手段跟他爭女兒的撫養權的岳丈及岳母) - 最終事業上的起飛

任務完成後...恩佐功成身退的擺脫肉身的枷鎖.....讓靈魂自由高飛!

故事是虛構的....但很引人入勝.....一頭愛看賽愛颷車的狗....ohohoh....對不起恩佐...我記得你多次強調喇...你不是狗...你祗是沒有了母指及靈魂慘被困在狗肉身的人啊!

家中講狗的書不少...大多數都是以第三者描述狗的一生.....我在雨中等你卻是以小狗的角度描述與主人一起經過的日子.....感覺很清新....也出其地令我投入小狗的世界裡~

不知香港是否有售這書.......但推介給愛動物愛賽車的你!

看完整本書....才得悉書名的真正意義 (OKOK 我承認我對賽車一無所知近乎白痴!)....一個車手最怕遇上雨天賽車...因為在雨天太多變數 & 意外發生....會很容易影响車手慣有出色的表現~ 我在雨中等你就是在你遇上最大的困難時....我總會在你身傍等候你鼓勵你支持你~

我在雨中等你也請你也在雨中等我啊!

嚇親老虎仔

噚日個天吼吼叫...叫得比老虎仔 - 我更加大聲.....嚇到小小老虎仔 & 老虎女好驚呀!

如果一個狗係廳....個天不斷咁吼吼叫....又好大風聲喎......吹到 we~we~ 聲咁....媽媽成日話我鱷魚頭老襯底....表面好似好 man 咁...其實係細膽豬0黎咖嘛......所以一見窗外有 D 乜0野風吹草動.....我同妹妹...急急腳 (我數過喇...我0地加埋有 8 隻豬腳仔....) 咁走入嗲0地媽咪間房....用媽咪件唔要既衫墊住冰凍凍既地磚.....等個豬肚唔好凍親先敢訓覺咋~

房間入面....有嗲0地既鼻鼾聲....有媽咪間唔時 ee unun 既聲音....有令我0地全家夏天有覺好訓既冷氣機叔叔工作既聲音....係熟識既聲音下我個心肝仔當堂定晒.....無耐妹妹同我都一齊扯埋鼻鼾一門三傑咁訓覺添~

無耐媽咪起身開電視....屙尿尿....我當然唔會放過呢個晨光第一見既機會喇....喇喇臨衝入廁所將我個豬頭仔伸俾媽咪摸喇!!! (嗲0地話呢 D 行為叫 "好狗" 喎...我唔多明咖...但我真係一條好乖既狗0黎咖!)

後來媽咪入返房....又 R 嗄我個豬肚仔....嘩....好 "梳乾" 呀~~~

當我似為今日可以俾媽咪 R 足成日豬肚仔時.....忽然間聽到嗲0地媽咪話乜0野衫號波囉喎....要返工呀~

噢 ~ O ~ 細膽豬我當然唔捨得喇....但無辦法喇...因為媽咪話返工先可以養到我同妹妹個豬肚仔肥肥白白喎~

唯有做望媽石喇....喇喇喇....你0地 2 個狗奴今晚好早 D 返屋企呀....唔係悶親我0地 2 個大帝就知味道喇!

汪汪~

老虎仔法法口述由媽咪代筆

SB800 下的胡法法

趁煮飯前...快手的拍下幾張相~

還是第一次用 SB800 ....我比想像中鎮定!!!! XDDDDDDDDD

法法真係好合作....好 cute 咁擺 post 俾米米影!!!

good boy boy!!!

 

這張是用內置閃燈直接對著法法影的....很呆板沒立體感啊! 而且眼睛泛藍.....no good~

家門不幸

唉....近期家中 2 隻小狗惡行不絕~

主要惡行還包括:

彪炳惡行 (一)
多次將我放在餐枱上的手袋咬下來....把裡面的東西咬出來慢慢挑選! 當中最受歡迎的是唇彩...(迷之聲: "尤其是有香甜果汁味的唇膏彩...好香甜啊!") ....先後有 2 支唇膏 3 支唇彩不幸慘遭毒口! <-- 按表哥所講: 你多一個藉口去置新貨了!

彪炳惡行 (二)
昨天我沖涼時聽到表哥慘叫數聲....出來時...得悉小狗囡胡童童用她 42 吋長腿把手撘在餐枱上借力....伸長狗頭仔....開懷大嚼我們晚餐時吃淨的去骨雞脾肉 (很懂吃的一頭狗啊! 童童...你是狗界食神麼?)....氣得表哥 "札札跳"~

今天前思後想...決定全體體罰一次! (法法...你沒偷雞脾吃但不好意思喇...今勻是黑狗偷吃一齊當災)

在電話中的對話:

the8: 喂喂...唔點喇...佢0地開始宣示主權....遲早會覺得自己既地位比我0地高~ 要攪攪佢!

表哥: 嗄? 點攪呀?

the8: 罰佢0地今晚無飯食...等佢0地知道自己做錯0野囉!

表哥: 一_一: 嗄!!!!!!

the8: 做大事既人係唔可以婦人之仁...just do it!

表哥: 哦!

毛孩！

是日為本週清潔日....老公幫大帝沖涼我幫佢0地吹毛~

爆毛豬胡法法再 N 次另到媽咪隻手手唔似手~

所以我0地有奶油相信...每次法法沖完涼都會最少輕 1 磅~



(我滿手毛既情況足足有十多廿次之久....圖中為其中一兩次咋!}

長假的最後一天如何渡過?

本應想:

去花展影相....去深水埗買餸....可惜遇上生理期....尾龍骨陰陰痛肚子亦覺不適~

祗好打消念頭...

改為親子暨清潔日!!!!

點解親子同清潔有關係呢?

因為是日親子活動係.........幫 2 位大帝白白豬!!!! 一如以往....當 2 位大帝沖完毛仔...成屋必定 "毛處不在"!....於是便要開始大清潔喇!!!!!

二如以往.....童童好憎沖涼 & 吹毛仔....好在佢 D 毛好薄同毛量比較小...所以用毛巾索兩索吹兩吹就攪掂~

不過法法呢....就吹毛吹到媽咪腰骨痛....一來個位唔夠高我要烏低身...二來...冬天出生既法法係厚毛底...以為吹乾0左喇...原來祗係吹 乾0左面毛但底毛未乾透咖....佢 D 底毛又密喎 (OK 喇仔...你唔駛怕變小海景!!!)....不停咁吹要吹足半粒鐘先乾足 9 成!

一吹完毛...就開始要吸塵喇!

我0地換0左部用水去過瀘既吸塵機....好處係唔駛每次用一個塵袋....嘩....平時睇唔到咋....原來一年甩足 365 日毛既法國老虎仔一星期可以甩咁多毛!!! 搵次要影底佢記念先得!!

其實我既工作量祗限於同大帝吹毛仔....吸塵拖地抺塵等係老公一手包辦 (辛苦晒!)....所以我0地 3 仔乸入0左房等 Daddy 專心清潔呀!!!!

沖完涼呢 2 隻豬仔心情都靚 D ...家陣我上網寫 Blog...佢0地就各佔一邊梳化小睡一翻!

好喇....媽咪都要去沖涼洗頭準備訓覺喇~

早抖喇 2 隻爽滑豬!