元旦邊

今天去了西貢逛逛，忽然間決定打邊，於是買了海蝦、扇貝、聖子、鯛魚、魚蛋及超甜有機皇帝菜。

表哥將鯛魚起肉，頭及骨來熬湯，啖湯鮮甜得不得了！

下圖在梳化上粉紅色一堆的東西是喜多郎童童，這個甩毛豬整個冬天都是蓋著被子的睡呀睡！她會孭著被子通屋的走來走去，無良無聊的媽媽所以決定一日冬天未過，都會叫她做喜多郎童童呢！

 

又怎小得童童果份呢！見有機小甘荀甚為可愛，挑了三顆讓它在魚湯中熬呀熬…放涼切粒加餸！

 

 

元旦快樂！  

SK3 聖誔限量版

由於用家的爸爸（笑）覺得環酵對童童的問題皮膚有幫助，於是決定入手 500 ml 聖誔限量版一大支。

Copy & Paste『寵吾寵』

的起心肝把東西散落的眾網址抄出來貼在這裡，先在無名那裡抄了『寵吾寵』過來，一邊抄一邊回味那些點滴及笑中有淚的日子。

童童專用的 SK3

童童的皮膚病原本已好得八八九九，但天氣太冷不可以洗澡所以又翻發。

我的環酵才一個月多點未可以用，於是昨天膽粗粗的問谷友可有環酵可以分享（原先我是想買的，但被谷友提點買的話便與環酵的理念背道而馳。）結果有一位住附近谷友分享一支給我，剛好又有另一位谷友的小狗也有此需要，於是會分享半支給她。

拿到環酵後，馬上以 1:100 稀釋給童童噴皮膚用，幸有這位刁蠻任性的港狗不抗拒，而且表哥也覺得一試無防讓我試試，並賜與 『SK3』之名，還跟個囡說在已執笠的伊廢丹買咖！（無聊夫妻為此笑了很久！）

希望可以改善她皮膚的問題吧！

其實，環酵加水稀釋後可以噴在人的皮膚上，我看到谷友的心得對濕疹、割傷等都有幫助的。嘿，表哥你很快也會有一支自已專用的 SK4 了！

來自深處的聲音

每天回家，小狗胡法法必定第一時間跑過來把狗頭伸給我摸。摸頭這個渴望，每天由我們出八時門口到黃昏六時回來，一個等了一個等了十小時的渴望，一個等到頸都長的渴望！

未養狗前，我祗知道貓咪在高興時會從喉嚨發出『咕咕』的叫聲，但原來小狗也會用『咕咕』聲 + 反眼去告訴你『喂狗奴繼續摸我/R 我丫！我家陣爽翻天呀！』

如果你沒有養過貓咪或小狗不知是那種『咕咕』聲，那請想像是在炎夏你吃下第一口冰凍的雪糕時，在身理及心理的條件反射下這種聲便從你的喉嚨深處傳到喉嚨椗最後經咀吧不由自主發出『唔唔』聲一樣～ 是滿足快樂開心的聲音！

祗要每天也可以聽到你發出這種『咕咕』的聲音！於願足了！

是豬嗎?

胡法法是第一隻入門的小狗....無可否認....三四個月大時....發狗瘟的佢唔肯食0野...就算食都唔多吸收....攪到個人頭大 身細又無屎忽 ( ! ) ....兼且....膞頭位奇窄....請自行想像一個大階 O + 上一個細佢一倍既大階 A ....我祗可以講....除0左覺得佢似小魔怪外....另一 ICON 我覺得佢似既係....新馬仔 & 新馬仔....個仔....囉!~

到七八個月大時 (見上圖)...狗瘟又痊癒....個人開始長肉喇....就變成大階 O + 大階 H .....而個身同手手腳腳又未開始長....可愛到不得了~ (OKOK....情人眼裡出西施! 又如何? 至少我真係覺得佢圓碌碌好得意呀!) 係時候落街散步喇!

那時候....放狗的奇遇....可真令我大開眼界~ 當時而論...法國老虎雖然在港不普及....但好歹...佢曉吠喎! 就算唔知品種名稱都好...佢行出0黎...擺明就係一條好狗喇!

曾經有路人....指著法法及我....大叫 "嘩~ 有人放豬呀!" 即係咁....如果佢句說話係 "嘩~ 有豬放人呀!" 我都還可以接受....但法法係豬???? 係係係....無錯....小香豬曾經係香港吒咜一時....但體型
幾小.....佢都係一隻豬嘛? 你見過大豬/小香豬有粒黑色塑膠鼻丫? 你見過大豬/小香豬吠丫?


唉........豬都算了~ 有一次....一對父子企定定望住法法~


仔: 爸爸...有汪汪呀! (小朋友有慧眼呀嗄!!!!)

爸: 唔係呀....呢隻唔係狗....係貓同狗生既混合體~! (阿腥...你教壞個仔喇!)

當下我幾想問呢位為人父既阿腥....拎個地址送本小王子佢睇~ 你個仔對眼比你澄明不知幾多倍呀陰公!

失驚無神車巴人!

法法:

汪~

星期日晚....我肥豬仔咁係屋企巡來巡去....見到童童係餐凳上打狗餅....佢好似訓得好 "淋" 咁....我見平時 Daddy Mommy 見對方訓著覺仔都會走埋摸嗄對方個頭/面咁....我咪又有樣學樣咁走埋 "哄" 嗄童童囉~

點知個屎妹丁係假訓....我個狗頭仔一伸埋去...都未開始聞佢面面....佢就大巴大巴咁車埋0黎我到....我成個狗俾佢車到飛埋一邊....好可憐呀我! 我諗住主動 D 伸出友誼之頭...點解換來唔友誼之手係掌摑之手??? 我真係苦命喇!

Daddy 見到晒成個情況發生....但佢淨係掛住笑...唔教訓童童~ 仲當笑話咁話返俾 Mommy 聽添!!! 我即時以行動投訴....走埋佢狗奴身邊....運用我演藝時學到既絕門演技 "我見猶憐" ....用我既大眼睛....谷行淚水....但又唔滴出0黎......洽到好處咁以 35 度微微抬高狗頭仔咁望住 Daddy....不出我所料...Daddy 招ed (招ed 係 out 爆既 Mommy 教我咖...佢話果時 YES 成日講呢個潮語咖!)....即時抱起我又呵又氹....BINGO!!!!

轉頭...佢當我波兒咁交0左俾 Mommy....Mommy 又當我湯丸咁又搓又鍚0左我好多啖補數...仲係我耳邊輕輕講0左句 "放心...搵日我車返佢三巴幫你補數!" 添~ 嘩! 我條氣即刻 "鋸" 晒.....嘿嘿....Daddy 唔係屋企果四日我睇你個油瓶女得戚得去邊~!

老掉牙齒

下午四時...剛好煲落湯炆好牛腩....正盤算著夠唔夠時間出去影相~

打開防潮箱....把快封塵的 D80 拿出來....才發現 KIT 鏡被表哥拿走了.....沒有用慣用熟的 KIT 鏡...我原本七成的信心...再打個七折...開了電源...又發覺剩下二格電池....心一沉...又再打多個七折! 算了吧...反正昨天才執好 D 關節....背上重甸甸的腳架出出入入怕更累事~ 索性留在家中吧!

在上網時....小狗法法一撲通的走過來...一副索抱的樣子~ 對著心肝寶貝...我如何拒絕他呢? 即時把他抱在懷內...親了又親~ 忽然間...我的視線停留在法法的咀巴上~ 八歲的他..其實在上年已經甩了第一顆牙齒了....當時我有心痛...但想著畢竟也是老犬了...甩一顆也是正常的吧! 但今天發現...下排的門呀疏窿的甩了兩顆牙齒...餘下三顆門呀 do mi so 的排著...跟法法的童顏外表其實相影成趣...但奈何...我實在笑不出...法法現在比媽媽更老了...身體真的開始在斜坡往下走...開始老掉牙齒 了! 這是第一次很真實的感覺到蒼老降臨在他的身上~ 很心痛很心痛!

我和表哥一直不會一同去旅行...是因為不捨得留下小狗在狗酒店....近年來...我們常說笑 "等佢兩隻0野死0左就去玩返轉先!"...一入冬...又恐嚇狗仔 "曳呀喇你...信唔信我拍多舊薑炆0左你呀!"

法法...爸爸媽媽是說笑吧~ 我不要不要去旅行喇...祗要你跟童童都留在我的身邊便足夠!

香噴噴的玖瑰夫人

童童:

汪~

前晚....我個身好痕好痕...因為之前凍0左好耐....Daddy Mommy 一直都唔敢同我0地沖涼....哥哥皮膚比我好所以佢無事喎~ 但我呢...已經 R 損晒個 body....仲有一塊塊紅晒凸起既粒粒添!

Daddy 漏夜決定幫我沖涼......當我入0左廁洗濕0左個狗頭仔時... Daddy 先發現...我0地專用既皂液用晒....而佢0地用緊果 D 呢...又偏乾怕我皮膚受不了! 於是.... Mommy 走0左入房....剿0左個某名牌既玖瑰香皂出0黎...因為佢加添冷霜成份...所以就會潤 & 唔乾~

沖完涼....我全身舒暢晒...無再咬自己大脾.....而且仲成為了香噴噴既玖瑰夫人添!!!!

因為太夜.... Daddy 決定淨係幫我一個沖涼...平時我沖完到哥哥咖嘛! 但今次... Daddy 決定唔幫哥哥沖涼...因為佢爆毛有排先吹得光..同埋佢一吹毛就甩得好緊要...到時又要夜媽媽開吸塵機....會嘈到隔離左右~ 哥哥當然唔明白喇....眼仔碌碌咁用眼神去表達 "到我未? 仲乜仲未到我? 7 號師傳平時會抱我入去做埋 massage 先出0黎吹毛...仲乜今日無人 serve 我咖?"

哥哥...你仲唔明呀? 今日無你份呀! 得我童童一個被點燈....你???? 今晚訓柴房喇!

沖完涼又吹乾毛...我帶著一身玖瑰香味...仲有滑不留手既毛髮....係梳化上面碌來碌去....一路碌.... Mommy 一路咁為我配上 backgroup music...."金絲狗...金絲狗...."

Yo! 果晚我係香噴噴既玖瑰夫人金絲狗童童呀!!!!!

親蜜照!!!

多謝表哥操刀....好開心同法法童童影0左好多張相~

一直都想影一 D 類似咁既大頭親蜜照....今晚卒之影到...仲有幾張都幾滿意 (最衰個妝溶晒喇!)....但超自然的說...我照平時咁撚狗...狗照平時咁撚我....好 sweet !!!!!

呢張...係其中一張最鍾意既!

多謝晒你...鍚晒你0地三個!

。我。要。著。衫。衫。!。

the8:

2008 年 12 月 30 日凌晨 1:52 分係屋企都著住羽絨背心既我忍唔住逼無毛既童童著返件衫! 意料之外佢無反抗/自己除返件衫!我估真係太凍喇! 一著完之後..爆毛法法好似吊靴鬼咁跟住我出出入入五分鐘...用楚楚可憐既眼神話俾我知"點解我無衫著?" 唔係化阿仔...你係爆毛豬喎駛乜著衫! 最後我屈服0左!拎0左件粉藍色豬仔衫俾佢著!跟住佢無再吊住我喇!

法法:

2008 年 12 月 30 日凌晨 1:52 分....mommy 幫童童著衫...而童童旱有地好合作咁著上件衫...平時...佢係露體狂...而且仲係一個變態既露體狂...自己唔鍾意著衫不特止...仲唔逼我唔準 著衫要我一齊露體咖!!!! 如果我有衫著...佢會用口咬甩我件衫....要我 nude look 咁面對佢....嗚...我個完美中帶完渾既 body 就赤裸裸咁暴露係佢眼前...好變態呀!!!!!

我一心以為 mommy 幫佢著完衫會幫我著喇...但係呢... mommy 居然準備熄燈訓覺喎!!!! 。有。冇。攪。錯。?。 點解我無衫著咖? 唔公平呀! 又話呢個屋企係一個公平公正公開既家 (你老母我幾時有咁講過呀阿仔?)....呃我細路仔唔食辣椒醬呀?! 我立即發揮係藝訓班所學既技巧...谷行眼水...水汪汪咁望住 mommy....吊住佢尾....死唔斷氣咁跟出跟入....不愧我係狗界朝偉 ( ! ) 我幽幽不歡既既眼神欲言又止既小咀 ( ! )...果然打動到 mommy....佢摸嗄我狗頭仔問 "唔係化你係爆毛豬喎都要著衫?" 我 insist 的望住佢 (幾勁...我陪 mommy 溫書溫得多...英文生字都識多幾隻呀!)...我眼神中既堅持同信念同精神係無改變過既!

。係。!。我。要。著。衫。衫。!

無錯! "我要著衫衫!" 呢個就係我要表逹同向中審庭訴求既最終目的!

最後....老女人當然屈服...仲拎0左件 baby blue 背脊有小豬 details 既衫俾我著添!
邊個話勝利係屬於女人咖? 勝利其實係屬於小狗咖!

Birthday Menu

煮0左甘荀茸湯....蔬菜盒 + 煙肉卷....煙燻雞胸...牛奶布甸~ 由三點幾開始買料...準備...到完成...已經成九點喇~ 雖然攰過返工...但見到 2 位大帝食得好開心...我都好開心~ 不過每年既咒語依然未解...就係狗奴無飯食!!! 老公 KO 0左噚晚打包既糯米飯...我呢? 依然執菜頭菜尾食...但求塞飽個肚就算!...hehe~

八年

愛兒法法豬:

2008 年 12 月 15 日...是你的八歲生日~

我倆急忙的趕著由屯門回來...為的是在 12 點前可以抱著臭豬仔唱首生日歌講句生日快樂送上情深的一吻!

八年前...你來到這個家時己早在寵物店沾上狗瘟...天后某出名的 vet 都說無能為力要把你退回去換另一頭小狗來代替你....頑固執著的我誓死不肯 "放手"...雖然這是我第一次養狗...但大家相處的兩星期中...已經建立了感情...生命怎能輕易放棄去交換呢? 我不肯堅決拒絕了 vet 的建意...抱著你回家...上網去問人可有 "有良心的 vet 介紹?" 及 "患上狗瘟的生存機會及照料方法" 等資料~

在狗版中遇上很多熱心的版友...把 Dr. Tiger 介紹了給我們...約好時間把你抱到 Dr. Tiger 那裡... Tiger 很好...沒有叫我們放棄你...但也細心的解釋給我們知道...患上狗瘟的小狗生存機會是很小的...我們問 Tiger ...可有藥去幫助....她老老實實的回答...小狗才兩三個月...受不了強勁的抗生素...她極其量是開一些維他命給你輔助一下而矣~

一切...要靠小狗自己產生抗體去打低狗瘟這個病...所以...大前題是要小狗肯進食...身體才可以產生抗體去對抗病魔! vet 強調...患上狗瘟的小狗胃口是零~ 但我們如果想救回你的話...一定要施盡渾身解數全力去 "乙水" 你保持心情愉快...這樣你才有胃口進食身體才會好起來!!

就是這樣...我們抱著你及幾包維他命丸回家...天天想盡辦法去 "乙水" 你開心....例如把自己當成小狗...跟你一起跑快四...由房追出廳....再由廳追回入房...來來回回幾次趁你口渴肚餓便餵你飲幾啖水食幾粒狗 糧...一餐飯...閒閒0地食兩三個鐘跟幾十轉~ @_@

就這樣跑了幾百轉...一星期後覆診...情況穩定...至少你的噴嚏鼻水小了...腹瀉也減少了~

就這樣跑了千多轉...兩星期後再覆診...情況開始樂觀了....keep it up!

就這樣跑了不知幾多轉馬拉松...一個多月後... Tiger 說你打敗了惡魔怪獸了!

就這樣 (好在現在不用陪跑了)...你陪了 Daddy Mommy 八年了.....你為這個家添上無限的歡笑....你的報寸樣音春樣扮春虫樣撒嬌樣百厭樣拗計樣餵食樣...媽媽通通都愛看...媽媽就是愛看你的健康快樂無憂無慮通屋跑來跑去的過日子~

乖仔...將小狗的年齡轉化為人類的年齡...你早已大過媽媽很多很多了...在我認識你這類狗種中...實在沒有多少個活過八年...今天能為你慶祝生日...實在是媽媽的福氣~

在倒數及未知的日子中...媽媽祗想盡量的照顧你寵愛你...讓清風略過你的豬腩肉...快快樂樂的跑吧小豬法!


愛你的媽媽及爸爸

NAT GEO WILD (Copulation)

今天晚上的 NAT GEO WILD 講水陸兩棲的動物的繁殖編.....我錯過了很多...但是呢...卻碰上海龜繁殖....嗯...原來...雌雄海龜要繁殖下一代....是異常的多障礙!

海龜們會在水中交配....但在交配的過程中...會遇上很多求偶不遂恩愛成恨的情敵...起初...有一隻情敵海龜游過來咬交配中的海龜...他咬得米 海龜的後肢....出盡力的咬呀咬...大等寫鏡頭下...得米海龜腳上的那層皮被嚙開得老遠...但歡喻中的他...為了完成天職..忍著劇痛...深 怕腳一鬆雌海龜便會離開自己落入情敵手中~

情敵海龜咬了半天....見奸計不得程...便改去咬手....可憐的得米海龜又要忍著痛不敢放手...繼續交配....當下我以為情敵海龜會罷手 喇....誰知....情敵海龜歇而不捨的咬來咬去....禍不單行的得米海龜那種幸福的味道可能太招遙喇....竟然引來情敵海龜 B...情敵海龜 C....情敵海龜 D...............還未完喎....仲有情敵海龜 E ....總共 5 個情敵圍0趙得米海龜呀!!!!!

得米海龜以一敵五....好淒涼....明明歡愉緊 HAPPY 緊咖嘛...俾人睇實整個過程都算喇...仲要俾人襲擊....喂喂喂...情敵海龜們呀...盜亦有道呀...人家芬女淨係鍾意得米一個....你0地呢班吃不到的狂徒咪因愛成恨去襲擊人先得咖!

依牙鬆桿的我...看著得米海龜一時被 A 咬左手...一時被 B 咬右腳...一時又被 C 咬右手....一時又被 D 咬左腳....最後還要被天下間至陰毒的 E 咬後頸上那塊起晒褶的。董。建。華。皮。皮。呀!!!!!! 哇哇哇...唔係講笑...咬手咬腳還可以....咬後頸果塊。董。建。華。皮。皮。....可以想像到一定好痛好痛咖!!!!!!

ABCDE 除了咬得米海龜之外...也企圖阻止雌雄海龜游上水面抖氣...因為海龜每隔一段時間便需要上海面呼吸透氣....如果不能及時游上水面的話...會隨時 喪命!!! 所以呢....雌雄海龜一路斜斜的上游時...整個晝面就好似打機時 D 怪物四方八面咁衝埋0黎攻激你令你戰鬥力減低....不敵的話...最後緊係便瓜老襯喇!

雌雄海龜游呀游 (正確來說祗是雌海龜在游...因為雄海龜的手手腳腳都抓著雌海龜的売啊!)...左閃右避....東奔西跑的一寸一寸向上游...當時我好驚又好肉緊 呀...游唔切的話會喪命喎....交配中而馬上風喪命就話聽過嗄呢....但是....交配中缺氧而喪命...我未聽過未見過 ( ! ) 呀.....加油呀加油呀為愛情萬歲的雌雄海龜!!!!!!!!

最後...雌雄海龜的努力沒有白費...鴛鴦愛侶終於游上水海....大特寫下...我見到雌海龜扯晒蝦咁在抖大氣....我猜雄海龜因為不用游沒有體力勞動所以沒有扯晒咁喇!

這是我暫時見過的動物界中對交配付出最多最正視這個行為的動物呀!!!!

海龜們...請接受中女的敬意!

臭屁股

法法:

汪~

上星期個屁股仔好痕好痕....我對短手短腳又 R 唔到屁股喎...於是我成日都追住自己個屁股仔去咬~

(((((((((( 吼 )))))))))))

。我。要。咬。爛。自。己。個。屁。股。仔。!。

有一日...媽咪如何咁抱住我上網喎...但係呢? 佢越0黎越覺得唔對路....點解咁臭既呢?

佢抱開我一睇....原來我肛門線分泌滿到瀉.....因為佢抱住我時我屁股仔坐正係佢大脾上面...肛門線受壓於是就漏0左 D 落媽咪件睡袍到喇!

媽咪即刻叫 Daddy 準備開陣....開乜陣呢? 咪就係唧肛門線陣囉~

我記得第一次佢0地同我0地唧肛門線....好大笨象咖....係網上見到好多人講佢0地同狗仔唧肛門線時....噴到一面都係....而肛門線其實係每 種動物都會有自己獨特既肛門線味道 ( ! )...我0地就係咁樣去釋別係咪有其他動物到此一遊等等~ 呢 D 分泌物係好腥好臭...陣氣味真係好 "獨特" 咖!!!!!.....所以呢...第一次準備唧肛門線時....媽咪又口罩又手套又消毒濕紙巾等侍候....而 Daddy 呢....佢堅持以 "我唔識唧呀!" 為理由 (其實係籍口囉! 媽咪夠由唔識學到識喇...佢一定係嫌棄我屁股臭呀!)....所以呢...一路以來都由媽咪操刀為我0地服務!!!!

工多藝熟既媽咪...已經好熟手....無需手套口罩.....徒手係我個小菊花四點及八點既位置....用陰力向上一推....一 pat 杰杰0地啡啡0地既肛門線分泌物就傾瀉而出......祗要係完成後用消毒濕紙巾同我抹一抹屁股仔就禮成喇!

嘩~~~~ 一唧完肛門線....我屁屁唔再痕....個人又即刻變得精神爽利....好疏乾好舒服呀!

靠 Daddy 的話....我有九個屁股仔都唔得掂喇! 吼~!!!

世上祗有媽媽好~~ 汪汪汪汪汪~ (釋: 媽媽 I love you!)

瀨尿童童

法法:

汪汪~

不得了喇! 童童又有新攪作...佢激到 Daddy 同 Mommy 生蝦咁跳呀!

噚晚 Daddy 開0左房門...個衰妹趁無人為意跳上床瀨尿尿呀!

仲要連冷氣被都瀨埋... Daddy 同 Mommy 漏夜要洗床單床墊 & 冷氣被呀~

Mommy 話呢個臭童童越0黎越目中無人不特止...仲挑戰成家既皮質醇...佢好嬲...話唔俾飯佢食~ 但係偏心既 Daddy 呢...話唔俾飯佢食的話連我都無得食呀!!!!

無天理丫!!!! Mommy 同 Daddy 理論...邊個做錯就邊個受罰...天經地義丫~ 有乜理由我無做錯事都要受埋一份喎!

何況呀...我係 Daddy 發現童童瀨尿時...已經立即衝去自己個私家廁所以尿尿俾 Daddy 睇以便明哲保身.... Daddy 你明明見到 & 知道唔關法豬事...你都要罰埋我既? 你幾時做0左昏君呀!!!

最後... 偏心既 Daddy 一持己見...唔罰做錯事既童童...照樣開飯俾佢食~ 而我呢? 當然都有份食喇...但係 Daddy 實在偏心到出晒面....我越0黎越唔鍾意佢喇! 汪!

噚晚 Mommy 心情已經唔多開心....臭童童仲激多媽咪兩錢重...吼...咬死你呀臭童!

回味無窮滑嘟嘟

法法:

汪汪~

今晚....愛生事家庭又發生一單驚人既事件...事源媽咪煮既百吃不厭豉油雞翼又出場~

噚晚佢整0左六隻....自己食0左三隻之後就俾 Daddy 等佢食埋淨下果三隻...點知 Daddy 話抖一陣先食....於是就放0左係餐枱上面喇!

Daddy 人有三急去解決要事時....膽大包天既童童怪獸趁機跳上餐凳....再爬上餐枱....一啖一隻咁連骨吞0左三隻雞翼~ 由於佢既行動既敏捷又迅速也乾脆夾利落....係佢鯨吞三隻雞翼時....背住佢坐既老女人一 D 都察覺唔到有事發生....連我呢個機靈活潑可愛小神犬 ( ! ) 都唔知呢份事發生...直至童童怪獸鯨吞完雞翼後...去舐埋碟上面果幾滴豉油汁而發出 "嗒嗒" 聲...老女人先驚覺出事....馬上連跑帶喝的去阻止童童怪獸再舐 D 汁~

Daddy 同老女人立即封鎖現場去重組案情時....摸擬到案發路線及經過~ 而且有奶油相信....童童怪獸係無0趙過隻雞翼原隻吞落肚...一來因為老女人完全無聽過食0野既聲....二來...長長0地既雞中翼...極度方便 由口空 "跣" 入食道......加上滑嘟嘟既雞皮....Daddy 同老女人相信如果童童怪獸識講0野的話...一定會學 "刀刀" 講句 "嘩阿女....一放入口即跣落去....滑到丫~!!!"

就係咁....乖既小狗如我無得食雞翼....但果 D 曳既小狗呢....就大朶快頤大啖大啖吞雞翼呀! 事後我猛叫童童怪獸劈大個口俾我聞嗄豉油汁陣味.....噢 O o o.....我0地狗仔 D 食物全部都顏色漂亮....但估唔到大人平時食果 D 豉油黑忟忟咁....原來咁香....咸中帶鮮...鮮中帶甜....甜中帶滑....滑中又無鹽喎! 狗仔既零食無一能及呀!

童童怪獸你就好喇...我好羡慕妳有豉油雞翼食.....如果可以食到豉油雞翼...我情願做隻曳小狗喇!

超! 橫掂我曳唔曳老女人都咁鍚我咖喇!

飛鷹行動 (三)

法法:

汪~ 好開心...個老女人又一次離家出走去 XX 2 日咁多....由於佢想同婆婆一齊出發...於是早一晚入0左婆婆屋企訓....變相佢頭尾係三日兩夜唔係屋企啊哈!!!

三日兩夜無王管的日子...Daddy 同我同童童都異常期待!!!

因為三條狗 (Daddy 屬狗咖嘛!) 終於可以好麻甩咁係廳到剝花生飲啤酒唔抹手就上床訓~~!!! 好疏乾咖!!!!

如果老女人係到...又會吱吱喳喳咁董太上身咁哇哇叫 "洗手洗手洗手~~!!"

好煩咖嘛...男人同老狗點會郁 D 嫌污糟嗄嗄都去洗手丫? 好囉...可以唔洗手三日....YOYOYOYO!

不過呢...老女人你去三日好喇...三日後好快 D 返....我知你星期一放假準備整芝士雞肉丸我食咖~

至多我星期日晚洗定手等你返0黎驗查我對臭手丫!

好大對比

家中的寶貝...每每眼眉 "稍" 到我去拿洗耳仔的藥水或 Q-Tip...便會雞走狗走的四出逃去~

剛剛...被童童發現拿手中拿著 Q-Tip (已經把它藏在手心...但那小小露出的部份被童童確定時辰到...洗!!)....立即衝落地 "趴" 在地上把肚皮緊貼地磚....你有張良計...我也有過牆梯~

我肉緊的急速叫喚 "童童童童蟲蟲蟲蟲..."....臭囡豬一向一聽到我們呼喚他的名字會連走帶跑的衝過來逃上你身上舐個不停~ 今次呢...明顯見到她想起身...但怕中計....又想起身...又怕中計...於是身體在地上 "典" 呀 "典"....好像一條爬行的毛蟲般....見到她的模樣...我笑了...放下 Q-Tip 把她抱起....摸嗄狗頭仔安撫一會才開始幫她清潔耳朶~

之後到法法了...其實囝囝對洗耳仔不是太抗拒...但見到童童驚...佢又走去驚埋一份 (好似吸塵機咁...原本佢唔驚咖...我0地可以將條管放在他身上吸走多餘的毛髮...而整個過程他是攤係地下唔郁...任你將佢反來反去的吸前吸後吸 左吸右~ 但後來佢見到妹妹驚...又走去驚埋一份....好學唔學!!! 同輩的影響果真大呀嗄!)...我空手走去抱佢...佢 "0胡" 我呀!!!!!

大膽!!!! 係呢個屋企邊個夠膽 "0胡" 德高望重既老虎媽媽????

我拍了拍他的狗頭責罵了兩句....他還不是乖乖的被我抱起...放在大腿上慢慢的清潔耳仔~ 其實佢跟本就唔驚亦唔討厭呢個動作...但偏偏人驚佢又 "扮" 驚!!!!! 學人跟瘋...哼哼!!!

但是呢...另一相反奇境出現在我手拿擦毛的大把梳.....童童每次見到....雙眼發光立即跳下來一股惱兒的自動自覺跑進浴室...而法法呢....又會企係浴室傍邊的走廊等成為下一位寵幸喎!

其實...法法對梳毛不是太喜愛呀 (他愛我們用手 R 肚肚呀脾隙果 D 位)...但又有樣學樣咁學人愛上梳毛....臭豬法法...下次幫你分九一界好唔好?

NAT GEO WILD (Pregnancy)

今天的 NGW....講動物的懷孕過程!!!!!

我回家晚了....錯過了小狗的孕育期....祗見到海豚及大象!

海豚....高佔我最愛的動物的第二位! (第一位還用問嗎?).....原來一個海豚媽媽由懷孕到生育要花上整整一年的時間.... NGW 用了不知葚麼的方法把海豚 BB 在母體內的成長過程記錄下來~

嘩嘩嘩....海豚 BB 由小小一個菠蘿包時...已經有海豚的初型.....長長的咀巴...小小的背鰭喇....側鰭喇...已經似模似樣的凸了出來....而眼睛的位置呢...亦微微的凸起....海豚 BB 刻意把身體彎曲及將鰭摺起以減輕海豚媽媽的辛苦~

NGW 把不同懷孕期的海豚 BB 拍出來....BB 越大...樣子越趣緻....請想像汪阿姐色的皮膚...大大的頭及隆額...短小又不合比例身體....cute 到不得了!!!!!!

後來 NGW 把一個快將分娩腹大便便的的海豚媽媽來一個全身照....噢.......懷孕的母親是最美麗的這句果真沒錯~~~!! 海豚的出生跟人相反...是先由尾部伸出產道... BB 全完識 "訂" 及合作把尾鰭微微向下垂及依然摺起側鰭以免弄傷媽媽~ (好乖好生性的寶寶啊!!!!) 慢慢地...海豚 BB 全個的出來了....海豚媽媽也 "her" 一聲的流出大量的血喇! 看到這裡...我眼都紅了...上帝將生兒育女的天職賜給女性...這個經歷...祗有懷孕的媽媽才能感受得到.....當媽媽果然是好偉大啊!

海豚 BB 是小數初出生便開眼的動物...一出生第一件事要做的不是飲奶...是游向海面吸第一啖空氣! 如果 BB 未能及時去吸第一啖空氣會有機會不能長大....海豚媽媽跟 BB 中間有一種感應...BB 出生後會因為媽媽的指引游去海面透氣~ 看到海豚 BB 貼著媽媽的向上游呀游...最終游上水面抖了豚生第一啖的氣!!! BB 安全了!!!

而初生的海豚 BB 每隔大約廿分鐘便要飲一次奶...每次啜幾啖....要隔一段時間才能啜多 D 奶啊!!!! (辛苦了媽媽啊!) 海豚的母乳含有很高的蛋白質...大約 33%...人類的祗有 4%...而脂肪含量亦很高啊...是 7%...人類的才有 1% 咋! (人奶跟海豚奶比...立見高張!)

由於海豚的皮膚每兩小時便全部更新一次...怪不得海豚永遠都擁有令我羨慕到暈的幼滑肌喇!!!!

而大象呢...整個懷孕期是 22 個月....咪講笑差唔多 2 年呀...是最長懷孕期的哺乳動物之冠!!!!

小象起初也很可愛...但祗限於未長頭毛象鼻未長過手手腳腳前喎~ 那時候的小像...鼻子翹翹...手腳奇短但極其粗壯喎....完全是卡通片中的 cute 爆小象囉!

縱使初生的小象不及海豚可愛...不過呢...可取之處是小象可以在出身後三十分鐘搖搖擺擺腳仔軟軟的站起來....雖然呢偶然會腳仔軟 "pang" 一聲倒下...但不久就可以行得似模似像喇!

人類的孕育片段看得多...動物的還是頭一次見!

除了大開眼界外...更令我對各界的母親獻上無限的尊崇及敬意!!!!!!