賢良淑德還是癲癲得得？！

自已看這對無聊夫妻對話吧！

弊！壞咗喇！

今朝表哥先起床，我還沉醉在金絲雀的時光中，忽然他在廳中大叫「弊喇！失敗咗喇你快啲出嚟睇嗄！』。

出到廳見到他望住桶環酵發愁，指著上面的白色菌膜苦著臉望著我！我心裡『唓！』了一聲，口裡卻溫柔地說『無壞！白菌係果皮上細菌嘅屍體之嘛！你攪嗄佢慢慢會無晒咖喇！』當下他方一百個心的似安心點頭。

沒多久有人唔憤巢，在廁所邊曬衣服邊悻悻然的大叫『嘩其實我覺得你叻過曹宏威博士囉！阿博士都要拎個顯微鏡出嚟睇嗄啲菌係好菌定壞菌，你眼尾望一望就知喇！最弊頭先我完全信晒你，一啲側疑都無呀！科大請咗你喇你知唔知？』我笑到痴晒線但依然好入戲的說了句『幾時返工？宿舍幾大？』。

無聊夫妻對話為星期天愉快的啟幕。

多花生吖唔該！

有天，我們去買麥記的新地杯，表哥先點店員問他要不要花生他說不用了，我正奇怪酷愛乾果的他為甚麼不要花生呢？接著到我跟店員說『朱古力多花生』，忽然間他細細聲跟我說『乜....乜....加花生唔駛加錢嘅咩？』，那一刻我『叮』一聲的知道，他怕要加錢所以才不加花生啊！

結果笑到氣喘，而每一次他去買新地杯，我都在一邊笑意盈盈嘲笑的看著他。

從前有個傻佬…

用咗一次環酵稀釋的洗髮水後，對環酵產生莫大興趣！除咗不停話自已啲（頭）毛滑之外，還非常十分積極地物色材料弄環酵。

今日去了旺角街巿買生果，結果喜歡吃桔仔的他抱著有得吃又可以令環酵香香的，於是買了十磅的皇帝桔（$10 兩磅，很抵呀！），再加上經過生果檔見到柚子皮，不敢面懞懞的問人拿便問賣多小錢一個，結果以三蚊購得四個又大又厚的柚皮來弄環酵。

呢個傻佬雖然老土但確實抵鍚！

環酵的威力

谷友給了我一樽洛晨花環酵，除了稀釋了 SK3 給童童用，本應也打算稀釋狗用沐浴露液給她洗澡用，但天氣太冷了暫時不可以替她洗澡，所以初試牛刀用在自已身上看看效果。

於是以 1:1:10 的比例（環酵：任何清潔劑：水喉水）稀釋了一支洗髮水試用。

我是長厚髮量的人，每次用洗髮水洗兩次，結果一支約 250 ml 的稀釋液足夠用 4-5 天。同時也是很怕用護髮素的人，怕那種虛假的滑，所以試用時也沒有加護髮素。剛洗完的頭髮偏硬，但吹乾後卻變得爽滑柔順，這都是歸功於環酵內的天然果酸。

昨晚，表哥卒之肯試用稀釋了的洗髮水，洗完後他說『我啲（頭）毛好滑呀！』（嘿！愛囡心切的他把自已的頭毛與童童的狗毛混成一潭了！）。

今朝比他早超床，在客廳中把舊網址的文章抄過來時，忽然間他衝出來說『陣間我哋落旺角，去買幾個大桶返嚟整你果啲嘢（環酵）我發覺用完真係好滑而且慳唔小洗頭水，你要整多啲喇！』原本在客廳專心打字的我被他突如期來的舉動嚇了一跳，跟著笑著說『好嘢！你終於接受咗環酵喇！』接著他不停要求我摸他的頭毛贊滑…（一字眼中）。

其實除了慳錢外，減小用化學清潔劑對身體好，稀釋液流到大海後可以自然分解，又可以把原本扔棄的廚餘變為有用的東西，一舉數得呢！

如果你想試試環酵的威力，可以自備容器去 Organic We 免費索取 300ml 的環酵試試看。

註：後來我們問開食店的細姑奶拿大桶闊口的醬油膠樽做環酵，這樣便不用買塑膠樣更加環保啊！

無聊夫妻對話之細個唔讀書吖喇！

某星期六與表哥在尖沙看電影吃午飯，之後閒逛 K11，在 Sticky 看糖果師父拉糖，當天是替一對新人接出他們的名字中間加個心的那款。

拉好後糖果師父通常會把糖的頭頭尾尾不太完整的切出來給客人試食。那天我們吃著微暖的糖果，也買了數包回家，邊走邊閒聊。

表『我覺得好神奇呀！連字都可以拉出嚟咖佢哋！』

我『有幾神奇，拉出字賣貴好幾多你唔唔知呀！五十蚊一包 70g 咋！唔拉字淨拉糖的話，你睇街邊賣叮叮糖啲伯伯一包先收你十蚊八蚊！』

表『哇！你睇識字幾重！』

我『緊係！等你細個唔讀書吖喇！』

謝謝你，無聊的對話令我們平淡的生活添上笑意及色彩！