毛孩！

是日為本週清潔日....老公幫大帝沖涼我幫佢0地吹毛~

爆毛豬胡法法再 N 次另到媽咪隻手手唔似手~

所以我0地有奶油相信...每次法法沖完涼都會最少輕 1 磅~



(我滿手毛既情況足足有十多廿次之久....圖中為其中一兩次咋!}

長假的最後一天如何渡過?

本應想:

去花展影相....去深水埗買餸....可惜遇上生理期....尾龍骨陰陰痛肚子亦覺不適~

祗好打消念頭...

改為親子暨清潔日!!!!

點解親子同清潔有關係呢?

因為是日親子活動係.........幫 2 位大帝白白豬!!!! 一如以往....當 2 位大帝沖完毛仔...成屋必定 "毛處不在"!....於是便要開始大清潔喇!!!!!

二如以往.....童童好憎沖涼 & 吹毛仔....好在佢 D 毛好薄同毛量比較小...所以用毛巾索兩索吹兩吹就攪掂~

不過法法呢....就吹毛吹到媽咪腰骨痛....一來個位唔夠高我要烏低身...二來...冬天出生既法法係厚毛底...以為吹乾0左喇...原來祗係吹 乾0左面毛但底毛未乾透咖....佢 D 底毛又密喎 (OK 喇仔...你唔駛怕變小海景!!!)....不停咁吹要吹足半粒鐘先乾足 9 成!

一吹完毛...就開始要吸塵喇!

我0地換0左部用水去過瀘既吸塵機....好處係唔駛每次用一個塵袋....嘩....平時睇唔到咋....原來一年甩足 365 日毛既法國老虎仔一星期可以甩咁多毛!!! 搵次要影底佢記念先得!!

其實我既工作量祗限於同大帝吹毛仔....吸塵拖地抺塵等係老公一手包辦 (辛苦晒!)....所以我0地 3 仔乸入0左房等 Daddy 專心清潔呀!!!!

沖完涼呢 2 隻豬仔心情都靚 D ...家陣我上網寫 Blog...佢0地就各佔一邊梳化小睡一翻!

好喇....媽咪都要去沖涼洗頭準備訓覺喇~

早抖喇 2 隻爽滑豬!

嗲精出動喇!

童童的手掌損了....我們變得對她特別的噓寒問暖喇~

一向妒忌及佔有慾重的童童...變得更加嗲喇!

她會好像少女一般躱進你懷抱.....兩條腿夾著你的肚子.....兩隻手放在你的膞頭上.....情深深眼濛濛的凝望著你 (偶爾舐你幾嗄)~

狗遺了的去街街

我家倆位小主最愛聽的說話是 "攞0野食" 及 "去街街"~

祗要你講過這 2 個組合的詞語....你非得真的給他們食物或帶他們去街街....否則....兩隻魔怪會煩著你一整晚~

今天老公終於在屯門某寵物店以 $508 購下這輛寵物手推車....應該是巿面上最大內籠的款式喇!

他千辛萬苦的抬回將軍澳 (辛苦晒!!!) ....再到寵物店買了新的狗肩帶及狗繩...8:30 看完同事三分親後便出發喇!

安裝完手推車...童童很喜歡那輛新車的樣子...多次主動走進裡面睡覺....好可愛呀囡囡妳!!!

當法法童童看到狗帶時...已經發晒癲....完全不用提去街街也知道我們會帶他們去哪裡....心情完全是極度興奮呢!!!!

一放他們在街....就己經失控喇....搶繩喇...拉著你走東走西喇~

不過見到其他狗...也會失常地吠對方....明明就是有一頭很可愛的歌基想過來親親我...但硬生生被他們嚇走了~

希望多去幾次街...他們會習慣吧!

明晚我和老公也會夜歸...所以要後晚才能再帶他們落街散步呢!



後記: 回家抺身後...兩位大帝都攤屍咁攤在地上不停的抖大氣....心肝仔好像會跳出來呀~

做好準備買車呀!

事源天氣開始轉涼...老公認承我會再帶倆位小主落街舒筋活洛~

今日我們去了西貢拍拍拖....順便為小主睇車!

西貢實在有很多寵物店.....可能因為郊區地方多人養狗吧!

我們在逛了所有的寵物店....隔價及睇款....可以負重 50-60 磅的寵物手推車選擇不多呀~

最後...我們見到一部很實用...但款式一般的頗合心意....索價 $720 大元~

老公一貫的先冷靜後行動~ 最後我們回到將軍澳...在相熟的寵物店見到同一款的寵物手推車....才 $610 咋!

睇埋明天....就會決定買唔買喇~

好期待同小主去街街呀!!!!!


P.S. 最初揀去西貢是因為近屋企...但想不到星期天的西頁人流多到不得了!!!! 很多人趁夏天未離開前出海遊玩...六時的時候....小巴的人龍嚇得我們呆了....是返大陸打蛇餅的人龍呀~~!!!! 老公拉我至海邊坐一回好讓人龍散去....我幾烕呀...對住個海係公眾場所當街表演拉筋 XDDDDDDDDDDD ....坐了一會...人龍未散喎...我堅持要排隊...因為行了大半天人很累腿很酸....心也很掛念小主們喇~ 花了差不多一小時排隊....平時 20 分鐘的車程今天足足花了一小時...整車人都累得入睡了!

西貢也有很多人放狗啊....今天見到我最愛的超大狗狗.......好大隻的聖斑納及一隻不知品種的狗狗啊!!!! 抱著一隻有份量的狗....應該很有滿足感吧!!!!! 不知我有沒有機會抱一抱大狗狗呢?

蠢物‧寵物

曾經...我把家中兩位大帝特意叫做蠢物....無他...因為覺得他們蠢囉~

但....後來發現....蠢的是我們~

狗的腦袋...超乎你我想像....為求目的....他們會不擇手段~

明明一次可以屙一督的尿....為呃零食...分三次屙....咁...咪可以食三次零食囉~

明明做錯事....老虎爸爸準備體罰他們時...但走過來躱在我腳邊....盼望慈母出面拆點嚴父~

夏天會睡在窗台的雲石及玻璃茶几上....上層睡得熱了便往下層去~

冬天會把坐墊拉在陽光照射的地方上曬日光浴....還曉得拉著坐墊跟著陽光走~

懂得分辦手機鈴聲....每當老公等定的鈴聲響起...便然知道 Daddy 打電話回家....喉嚨掟 "嗯嗯" 的叫得聞者傷心聽者流淚的哀鳴~

夏天開冷氣時....一時怕冷一時怕熱一時又要屙尿的大帝們會整夜不下三四次的要求開房門...有見及此...我們索性把房門長開....在門框外掛上透 明膠簾以免冷氣外流~ 某大帝會取平衡之道...打斜的睡在門框中....把屁股仔放入房...狗頭仔放出走廊....到屁股仔涼得七七八時....便交轉位置到狗頭仔涼冷氣~ 每次見到這個情境...我都會被他弄得啼笑皆非~

看到你不開心...嗯嗯叫的爪你....連爬帶爪的走到你身上...用小舌頭舐你的面/眼淚...大大的眼睛看進你的心窩...用眼神對你話 "唔好喊呀米米! 我鍚返妳丫!"

這些...都教我甘心情願反過來做他的蠢物...寵他一生一世!

再見小毛球

屋苑的某商舖飼養了一隻杏色的長毛賓尼兔...應該養了有至少 5 年的時間~

由於該店鄰近行人路....中間有些花槽間開....固此....賓尼兔的主人每天開舖必會把他從籠放出來....好讓他在花糟中隨意走動....而晚上關舖時才把他放回入籠中~

想起第一次 "見面" 時....我驚嚇得呆住....因為我瞄到花槽中有一團杏色的小毛球在緩緩滾動.....這讓偷看了好多天....(不定敢睛看著他...怕被人似為我意圖强搶民女!)....上網查証後...才知道他是兔仔 (或女)!

由某年某月某日開始....每逢回家.....除下雨及夜歸....否則我必遶路而行....為的是見他一面~ (其實又哪有看到他的面孔呢? 每次都是見到一團毛茸茸的東西震呀震!)

上星期初跟同事中午時去光顧屋苑中某食店....經過賓尼兔側的路走.....特意指給同事 A 看 "妳睇....有隻賓尼兔係花槽入面呀!"....沒想到....上星期六去做物理治療時....又遶路而行的我.....剛巧碰到店主及店員大聲的對話~

店主 : 去0左邊呀?

店員 : 死0左喇....咪扔0左囉!

店主 : 扔????? 仲乜扔0左佢??? 係都埋0左佢喇~ 扔你個頭~ (有點激動!)

店員 : ..................................

我已經呆企在路邊.....數秒後才把死亡與賓尼兔結連在一起........立即把視線轉到花槽.........那個淺藍色的籠不見 了........那團杏色的毛球也不見了........原來你已經離開了並上了天堂 (絕對是一廂情願的想法....除了因為自己有 2 隻小狗....主觀地盼望在天堂會再遇....上帝應該會接收動物進天堂吧....挪亞等人可以存活....動物也有一點點的功勞吧!)

店主一路跑去垃圾收集站...一路的重覆 "扔....點可以扔0左佢? 係都要埋0左佢喇!"

鐵漢也有柔情的一面呢!

這幾天出入不見小毛球....我不習慣.....也不捨得.....畢竟 "朝夕" 相見了 5 年的時光喇!

有理由相信...它朝有一天家中小主離世.....我會哭斷腸~